«Անհրաժեշտ բոլոր միջոցները ձեռնարկվել են։ Օրենքում ամրագրված է պահանջ, որ ուսումնասիրության ընթացքում տեղեկությունները հրապարակային չեն, այդ թվում՝ անձինք եւ գումարների ծավալները, բայց լուրջ եւ խորը աշխատանք է կատարվել»,-ԱԺ նիստում այսօր ՀՀ դատախազության 2020թ․-ի տարեկան հաղորդման ներկայացման ժամանակ անդրադառնալով հարցին, թե ինչ ընթացքում են ապօրինի գույքի բռնագանձման մասին օրենքից բխող քրեական գործերը՝ ասաց ՀՀ գլխավոր դատախազ Արթուր Դավթյանը։
«Շուրջ տասը անձի վերաբերյալ ավարտական, ամփոփման փուլ ենք մտնում, այսինքն՝ առկա գույքի վերջնական գնահատում ենք անում առ այն, թե արդյոք դրանք օրինակա՞ն են, թե պետք է հայցեր ներկայացնել»,-տեղեկացրեց Արթուր Դավթյանը։
Լուիզա ՍՈՒՔԻԱՍՅԱՆ
