«Անընդունելի, անհասկանալի եւ որեւէ պայմանավորվածության մեջ չնախատեսված բան է։ Ո՞նց կարող է Ստեփանակերտն անցնել Ադրբեջանի վերահսկողության ներքո»,-խորհրդարանում լրագրողների հետ ճեպազրույցում այսօր անդրադառնալով ադրբեջանական իշխանական քարոզիչների հայտարարություններին այն մասին, թե հունիսին Ստեփանակերտն անցնելու է Ադրբեջանի հսկողության ներքո՝ ասաց «Իմ քայլի» պատգամավոր Վլադիմիր Վարդանյանը։
«Ձեր հարցը լսում են նաեւ Բաքվում եւ ոգեշնչվում են։ Ոչ, նման բան չկա։ Արցախի ԱԺ նախագահը հերքել է, ես էլ եւս մեկ անգամ հերքում եմ»,-հավելեց Վլադիմիր Վարդանյանը։
Նկատառմանն ի պատասխան, որ Արցախի ԱԺ նախագահը կարեւոր է համարել այդ տեղեկությունը, այդ պատճառով է այն հերքել, Վլադիմիր Վարդանյանը վրդովվեց․ «Հերքել է, ի՞նչ եք ուզում ինձանից»։
Կարդացեք նաև
Լուիզա ՍՈՒՔԻԱՍՅԱՆ
