Այսօր ԱԺ հատուկ նիստում վարչապետի թեկնածու Նիկոլ Փաշինյանն ասել էր, որ ինքն ու իր կինը պատվաստվել են կորոնավիրուսի դեմ: Թագուհի Թովմասյանը հետաքրքրվեց, թե ո՞ր պատվաստանյութով են պատվաստվել:
Փաշինյանը պատասխանեց. «Ես չեմ ասի այն պատվաստանյութի անունը, որով պատվաստվել եմ: Կարող եմ ասել, որ մեր փոխվարչապետներից մեկը պատվաստվել է «AstraZeneca»-ով, մյուսը կպատվաստվի «Sputnik V»-ով: Հույս ունեմ` ԱԺ փոխնախագահներից որեւէ մեկը կպատվաստվի չինական պատվաստանյութով, որը մենք ունենք»: ԱԺ դահլիճում պատգամավորները սկսեցին ծիծաղել:
Փաշինյանն էլ բացատրեց, որ եթե մեր առողջապահության մարմինները որեւէ պատվաստանյութ թույլ են տվել, որ մտնի շրջանառության մեջ, ուրեմն լավն է, շահարկումներից պետք է դուրս գալ. Նա կրկնեց, որ մի փոխվարչապետը «Սպուտնիկ Վ»-ով է պատվաստվել, մյուսը՝ «ԱստրաԶենեկա»-ով, որ երրորդ փոխվարչապետը լիներ, նա էլ կպատվաստվեր չինականով:
Հռիփսիմե ՋԵԲԵՋՅԱՆ
