Այսօր ԱԺ հատուկ նիստ է: Վարչապետի ընտրության առաջին փուլն է:
«Իմ քայլը» խմբակցության ղեկավար Լիլիթ Մակունցը պետք է ներկայացներ վարչապետի իրենց թեկնածու Նիկոլ Փաշինյանին: Մակունցը դրա փոխարեն ներկայացրեց, որ խորհրդարանական ընդդիմության՝ ԲՀԿ-ի եւ «Լուսավոր Հայաստանի», ինչպես նաեւ ՀՀ նախագահի հետ պայմանավորվածությունների արդյունքում հունիսի 20-ին արտահերթ խորհրդարանական ընտրություններ են լինելու: Սահմանադրությունը պահանջում է մեկ տարբերակ՝ վարչապետի թեկնածուին 2 անգամ չընտրել: Հենց այս նպատակի համար էլ իրենց խմբակցությունը առաջադրել է Փաշինյանին:
Նիկոլ Փաշինյանն էլ ասաց, որ բնականաբար, որպես վարչապետի թեկնածու ելույթ չի ունենա. «Ըստ էության, հավաքվել ենք, որ ի կատար ածենք այն պայմանավորվածությունները, որ ձեռք են բերվել»:
Կարդացեք նաև
Նիկոլ Փաշինյանն ասաց, որ այս ընթացքում շատ շահարկումներ են լինում այն մասին, որ ինչ-որ պահի ինչ-որ ուժեր երկրորդ փուլում փորձելու են այլ սցենար զարգացնել. «Եթե այդպիսի փորձեր լինեն պայմանավորվածություններ խախտելու, ապա «Իմ քայլը» խմբակցությունը կընտրի վարչապետ»,- զգուշացրեց նա:
Հռիփսիմե ՋԵԲԵՋՅԱՆ
