«Կարծում եմ՝ որևէ մեկը չի կասկածում, որ այն, ինչ տեղի է ունեցել 2018 թվականի ապրիլին՝ Հայաստանում, տեղի է ունեցել դրսի մեծ աջակցությամբ»,- այսօր, ArmNews հեռուստաընկերության եթերում, պաշտոնաթող նախագահ Սերժ Սարգսյանի հետ զրույցում, կինոռեժիսոր Մհեր Մկրտչյանը հարցրեց`ինչպե՞ս ստացվեց, որ 2018 թվականին նույն մեր ռազմավարական դաշնակիցը՝ Ռուսաստանը, գոնե վերաբերմունքով, ինչ-որ մեսիջներով, հայտարարություններով, չօգնեց Ձեզ: Ոչ ոք չօգնեց Ձեզ: Ինձ մոտ այնպիսի տպավորություն էր, որ ամբողջ աշխարհը լուռ էր, տպավորություն էր, որ էդպես բոլորին ձեռնտու է իշխանափոխությունը Հայաստանում: Ինչո՞ւ:
Սերժ Սարգսյանը շարունակեց. «Հաճախ են ինձ հարցնում՝ իսկ ո՞ւմ աջակցությամբ: Պատասխանը շատ պարզ է` բոլոր այն ուժերի, որոնց պատկերացումները Հայաստանի զարգացման մասին չեն համընկնում մեր պատկերացումների հետ»:
Ապա` Սերժ Սարգսյանը շարունակեց, որ մեր դաշնակիցները և գործընկերները երեք տարբերակ ունեն սատարելու կամ չսատարելու. տարբերակներից մեկն այն է, երբ տվյալ երկրի ղեկավարը շնորհավորում է որևէ այլ երկրում ընտրությունների արդյունքում իշխանության եկած անձին, քաղաքական ուժին: Երկրորդ տարբերակն այն է, որ այդ երկրների արտաքին գերատեսչությունները հայտարարություն են անում, երրորդ տարբերակն այն է, երբ այդ երկրներն ուղղորդում են կոնկրետ երկրում իրենց ազդեցության տակ գտնվող ուժերին, անհատներին և այլն:
Սերժ Սարգսյանը հիշեցրեց, որ ապրիլի 17-ին խորհրդարանում իր ընտրությունից հետո, շատ շնորհավորանքներ է ստացել`ՌԴ նախագահից, ԵԱՏՄ երկրների ղեկավարներից, ԵՄ-ից եւ այլն: Նա նաեւ նկատեց, որ երկրորդ տարբերակը`արված հայտարարությունները «մի տեսակ զգուշավոր» էին եւ տարբերվում էին հետպատերազմյան Հայաստանին ուղղված հայտարարություններից:
Կարդացեք նաև
Սերժ Սարգսյանն ասաց նաեւ, որ «մենք որոշակի խնդիրներ տեսանք`կապված իրենց կողմից ուղղորդվող ուժերի վարքագծի հետ»:
Թե որո՞նք էին պատճառները`Սերժ Սարգսյանը դեռ չգիտե: Ժամանակը բավարար չէ համապատասխան տեղեկությունների եւ դրանց վերլուծության համար: Սերժ Սարգսյանը ենթադրում է, որ պատճառը կարող է լինել «մեր համառությունը`ԼՂՀ խնդրի լուծման համար»:
Նելլի ԳՐԻԳՈՐՅԱՆ
