«Համավարակի կանխարգելման նպատակով Արտակարգ դրության իրավական ռեժիմի հաստատման հետ կապված բավական լուրջ հարցեր են կուտակվել, որոնք արտացոլված չեն մարդու իրավունքների ռազմավարության մեջ»,- այսպիսի մտահոգություն հայտնեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը:
«Մեդիա կենտրոն»-ում կազմակերպված «Մարդու իրավունքների խախտումները պատերազմից հետո. կա՞ ռազմավարության վերանայման անհրաժեշտություն» թեմայով առցանց քննարկման ժամանակ նա վստահեցրեց՝ անփութություն է հաշվի չառնել այդ ժամանակահատվածում ի հայտ եկած խնդիրները մարդու իրավունքների ռազմավարությունում: Ըստ նրա՝ ցավոք, փաստաթղթում համակարգային խնդիրներ, շտկումներ չկան, մարդու իրավունքների համակարգային խնդիրներին անդրադարձ չկա, օրինակ՝ պարետի ինստիտուտի սահմանադրականության հարցը:
Նա փաստեց ռազմական դրության պայմաններում ևս լուրջ խնդիրներ ունեցանք, որոնք ևս արտացոլված չեն:
Մինչդեռ ռազմավարության նպատակն է պետության կողմից պարտավորությունների կատարման ընթացքում բացահայտված խնդիրների հետ կապված արձանագրումներ անել, առաջարկել համակարգային լուծումներ:
Կարդացեք նաև
Տաթև ՀԱՐՈՒԹՅՈՒՆՅԱՆ
