Նիկոլ Փաշինյանի հրաժարականից հետո մարդիկ սկսեցին Սահմանադրության դրույթներն ուսումնասիրել եւ մեջբերումներ անել՝ փորձելով ապացուցել, որ Փաշինյանն օրենքի ուժով չի կարող լինել վարչապետի պաշտոնակատար, մյուս հատվածը համաձայն չէ սրա հետ։
Էդմոն Մարուքյանի կուսակից Արմեն Եղիազարյանին էլ հիշեցրինք ԼՀԿ պատգամավոր Տարոն Սիմոնյանի հայտարարությունը, որ Փաշինյանը չի կարող ԺՊ մնալ, եւ հարցրինք՝ ի՞նչն է ձեզ հետ պահում ՍԴ դիմելուց։ Պարզվեց՝ մեր զրուցակիցը լոռեցուն բնորոշ միամտությամբ հավատում է, որ Նիկոլ Փաշինյանը չի կեղծի ընտրությունները․ «Նիկոլ Փաշինյանը մի անգամ եղել է ԺՊ, էդ ժամանակ ոչ մեկ ոչ մի ձայն չհանեց, հիմա եկել հարցնում եք՝ ինչո՞ւ չեք դիմում»։
– Պարզ ասած՝ վստահում եք Նիկոլ Փաշինյանին, որ նա ազատ, արդար ընտրություններ կանի։
– Դե, վստահում ենք, թե չէ, բայց այս պարագայում այլ տարբերակ չեղավ, որ գնայինք ընտրությունների, սա միակ ելքն է, որ կարող ենք ազատվել Նիկոլ Փաշինյանից։
Կարդացեք նաև
– Իր վարչապետությամբ ընտրությունների միջոցո՞վ։
– Ես կարծում եմ, որ Նիկոլ Փաշինյանն այսօր այն կշիռը չունի, որ կարող է ազդել եւ հօգուտ իրեն ընտրություններ անցկացնել։
– Ինքն այնքան ուժ ունի, որ 44-օրյա պատերազմից եւ կապիտուլյացիայից հետո կարողացավ ձեզ տանել իր դաշտ եւ, ինչպես Տեր-Պետրոսյանը կասեր՝ հակասահմանադրական պայմանավորվածության գալ։ Սահմանադրությամբ՝ ընտրության օրը նշանակվում է խորհրդարանի լուծարումից հետո։
– Դե, դա մոտավոր, պայմանական ժամկետ է եղել, եւ հնարավոր է այդ ժամկետը փոխվի։ Նիկոլ Փաշինյանն ուժեղ չէ, մենք էինք ուժեղ, որ կարողացանք բերել նրան, որ ընտրություն լինի։
Լուսինե ՇԱՀՎԵՐԴՅԱՆ
Հոդվածն ամբողջությամբ՝ «Հրապարակ» թերթի այսօրվա համարում:
