«Նման դեպքերը կապված են այն իրավիճակի հետ, որ սահմանային դելիմիտացիայի աշխատանքներ դեռ արված չեն, սահմանային շերտի ռեժիմ չունենք։ Կիլոմետրանոց սահմանային շերտում մշտական բնակչություն չպետք է լինի»,-խորհրդարանում լրագրողների հետ ճեպազրույցում այսօր ասաց ՀՀ ԱԱԾ տնօրենի տեղակալ Ստեփան Մելքոնյանը՝ անդրադառնալով Սյունիքի սահմանամերձ գոտու բնակիչների հանդեպ ադրբեջանցիների ոտնձգությունների դեպքերին։
«Հիմա ոչ թե կիլոմետրանոց, այլ սահմանային գծի մոտ են բնակվում։ Բնականաբար, այդ ամենը ժամանակի ընթացքում լուծումներ կստանա։ Սահմանային շերտի՝ երկու կողմից չեզոք գոտի պետք է լինի, որպեսզի շփումը բացառվի։ Ամեն երկիր այդ շերտն իր տարածքի հաշվին պետք է անի։ Ո՞նց կարող ենք ասել, որ հիմա անվտանգ է, եթե իմ նկարագրածն ընթացքում է դեռ։ Ասել, որ բոլոր միջադեպերը կկանխվեն, ֆանտաստիկայի ժանրից է»,-հավելեց Ստեփան Մելքոնյանը։
Ապա նա նշեց, որ այս իրավիճակում անգամ պայմանագիր չկա, իսկ թե ինչ պայմանագրի մասին է ակնարկում, նա չասաց եւ խոսքը փոխեց։
Կարդացեք նաև
Լուիզա ՍՈՒՔԻԱՍՅԱՆ
