Երևան քաղաքի ընդհանուր իրավասության դատարանի Ավանի նստավայրում տեղի ունեցավ դատախազության և քննչական կոմիտեի որոշումների դեմ Հայ հեղափոխական դաշնակցության գերագույն մարմնի անդամ Արծվիկ Մինասյանի բողոքի քննությունը։
Բողոքը վերաբերում էր 2020 թվականի դեկտեմբերի 28-ի դեպքերի ընթացքում ԱԺ պատգամավորների, ոստիկանության աշխատակիցների և ՊՊԾ պետ Սարգիս Հովհաննիսյանի գործողություններին։
Արծվիկ Մինասյանի պաշտպան Բենիկ Գալստյանն ասաց, որ վերոնշյալ անձինք հանդիսանում են գործով շահագրգռված անձինք։ Նա համարում է, որ նրանց էլ պետք է ծանուցել և հնարավորություն տալ ներկայանալ դատական նիստին։
Դատախազն առարկեց․ «Սիսակ Գաբրիելյանի (ԱԺ պատգամավոր, խմբ.) հետ կապված նշված հանգամանքները քննության առարկա են դարձել մեկ այլ գործի շրջանակներում և որոշման մեջ անդրադարձ չի կատարվել ո՛չ Սիսակ Գաբրիելյանի, ո՛չ էլ ԱԱԾ աշխատակցի գործողություններին։ Հետևաբար՝ դրանք չեն կարող համարվել սույն գործով անցնող շահագրգիռ անձինք»։
Կարդացեք նաև
Արման Հովհաննիսյան
Դատավոր Արման Հովհաննիսյանն ասաց, որ դատարանը այդ հանգամանքը ինքն իր համար դիտարկել էր, սակայն համարել է, որ նրանք դեռևս շահագրգիռ անձ չեն հանդիսանում։
Ավելի ուշ վերադառնալով խորհրդակցական սենյակից՝ դատավոր Արման Հովհաննիսյանը բավարարեց Բենիկ Գալստյանի բողոքը և վերացրեց քրեական գործի հարուցումը մերժելու մասին որոշումը։
Ամի ՉԻՉԱԿՅԱՆ
