Միջազգային Freedom House իրավապաշտպան կազմակերպությունը հրապարակել է «Անցումային շրջանի երկրներ 2021» զեկույցը, որի համաձայն՝ Հայաստանի ժողովրդավարության ցուցանիշը 2020թ. նախորդ տարվա համեմատությամբ անկում է գրանցել:
Ըստ զեկույցի՝ Հայաստանը 2.96 միավորով դասվել է կիսակոնսոլիդացված ավտորիտար վարչակազմերի շարքում: Դրանք այն երկրներն են, որոնք ցանկանում են քողարկել ավտորիտարիզմը կամ հենվում են իշխանության ոչ ֆորմալ կառույցների վրա՝ սահմանափակ հարգանք ցուցաբերելով ժողովրդավարական ինստիտուտների և փորձի վրա:
«Լեռնային Ղարաբաղի շուրջ Ադրբեջանի հետ պատերազմը Հայաստանում խթանել է ժողովրդավարական ճգնաժամ, որը վտանգի տակ է դնում 2018թ. հեղափոխության ձեռքբերումները: Հեղափոխությունից հետո առաջին անգամ երկրի ժողովրդավարության ցուցանիշն ընկել է, և այս տարվա իրադարձությունները, այդ թվում վարչապետ Նիկոլ Փաշինյանի և զինվորականության միջև լարվածությունը ցույց տվեցին, որ իրավիճակը կարող է վատթարանալ»,- ասվում է զեկույցում:
Տարածաշրջանի երկրներից Վրաստանը համարվել է հիբրիդային ռեժիմ (2.50), Ադրբեջանը՝ կոնսոլիդացված ավտորիտար ռեժիմ (1.0): Կոնսոլիդացված ավտորիտար է համարվել նաև Ռուսաստանը (1.0):
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
