Արցախում ռուսաստանցի խաղաղապահների տեղափոխող ավտոմեքենա է պայթել ականի վրա, երկու խաղաղապահ վիրավորվել է՝ այսօր «Ազատության» հետ զրույցում ասաց Արցախի ներքին գործերի նախարարության տեղեկատվության բաժնի պետ Հունան Թադևոսյանը։
Թադևոսյանը մանրամասնեց՝ դեպքը տեղի է ունեցել նախորդ շաբաթվա վերջին։
«Ռուսաստանցի խաղաղապահներին տեղափոխող ավտոմեքենա է պայթել հակատանկային ականի վրա։ Երկու զինվորական վիրավորվել են։ Այս պահին բուժհաստատությունում են, բարեբախտաբար նրանց կյանքին վտանգ չի սպառնում», – նշեց արցախցի պաշտոնյան։
«Սա է պատճառը, որ արդեն երկու օր է Արցախում զինված զինծառայողների աճյունների որոնման ու տարհանման աշխատանքներ չեն իրականացվում, որոնք անցկացվում են Ադրբեջանի վերահսկողության տակ անցած շրջաններում։ Ամենայն հավանականությամբ, այդ աշխատանքները կվերսկսվեն վաղը», – ասաց Հունան Թադևոսյանը։
