Ս. թ. ապրիլի 24-ին Վարշավայի Հայկական պուրակում գտնվող խաչքարի մոտ Լեհաստանում ՀՀ դեսպանությունը ծաղկեպսակի տեղադրման ավանդական արարողություն էր կազմակերպել Հայոց ցեղասպանության սրբադասված 1,5 միլիոն անմեղ զոհերի հիշատակը հարգելու համար։
Հիշատակի արարողությունը մեկնարկել էր Հայ Առաքելական եկեղեցու հոգևոր հովիվ Տ. Տարոն վարդապետ Ղուլիկյանի բարեխոսական կարգի հանդիսապետությամբ:
Ներկաներին ուղղված իր խոսքում դեսպան Սամվել Մկրտչյանն, անդրադառնալով օրվա խորհրդին, այն որպես ոչ միայն հարգանքի տուրքի մատուցում, պատմական արդարության հաստատում է որակել, այլ նաև նմանօրինակ ոճիրները կանխելու համամարդկային կոչ և ուղերձ, մասնավորապես՝ բարձր գնահատելով Լեհաստանի խորհրդարանի կողմից 200 5թ. ապրիլին Հայոց ցեղասպանության ճանաչման նշանակությունը:
Արարողությանը ներկա է գտնվել Լեհ-հայկական հիմնադրամի նախագահ դոկտոր Արսեն Հովսեփյանը։
Հայոց ցեղասպանության սրբադասված 1,5 միլիոն անմեղ զոհերի հիշատակը հարգելու էին եկել Լեհաստանի խորհրդարանի վերին պալատի նախագահի անունից՝ Սենատի աշխատակազմի ղեկավար Ադամ Նիեմչևսկին (Adam Niemczewski), ինչպես նաև Սենատի Միջազգային և Եվրամիության հարցերով գրասենյակի փոխտնօրեն Ռոբերտ Բոբրովսկին (Robert Bobrowski):
ԼԵՀ-ՀԱՅԿԱԿԱՆ ՀԻՄՆԱԴՐԱՄ
