Հայոց ցեղասպանության 106-րդ տարելիցի կապակցությամբ Արգենտինայի Հանրապետության նախագահ Ալբերտո Ֆերնանդեսն Արգենտինայի հայ համայնքին նամակ է ուղղել, որում, մասնավորապես, ասվում է․
«Ինչպես քաջատեղյակ եք, Արգենտինայի Հանրապետությունն ընդունել է թիվ 26.1999 օրենքը, որով յուրաքանչյուր տարվա ապրիլի 24-ը հռչակվել է «Հանուն ժողովուրդների միջև հանդուրժողականության և հարգանքի գործողության օր»՝ ի նշանավորումն այն ցեղասպանության, որի զոհը դարձավ հայ ժողովուրդը, այն ոգով, որ նրանց հիշատակը դառնա ներկայի քայլերի և մեր ապագայի նպատակների մասին մշտական դաս:
Անկասկած, այդ կոտորածները հարատև հետք թողեցին հազարամյա հայ ժողովրդի վրա: Արգենտինացի ժողովուրդն այդ մասին լավ գիտի, քանի որ դա մի համայնք է, որը շատ խորը արմատներ է գցել մեր երկրում․ միասին ենք մեծացել: Գիտեմ, որ ձեզնից շատերը սիրում են Արգենտինան, ինչպես նաև իր նախնիների մշակույթը, ավանդույթները և հիշատակը: Այսօր միասին ենք հիշում այդ ողբերգությունը:
Այս ցավալի օրը ցանկանում եմ ձեր կողքին լինել այն ըմբռնմամբ, հարգանքով և համերաշխությամբ, որոնցով միշտ եմ արել: Ընդունե՛ք իմ սրտանց և եղբայրական գրկախառնությունը:
Կարդացեք նաև
Ալբերտո ՖԵՐՆԱՆԴԵՍ
ԱՐԳԵՆՏԻՆԱԿԱՆ ՀԱՆՐԱՊԵՏՈՒԹՅԱՆ ՆԱԽԱԳԱՀ»։
