Մեղրիի համայնքապետ Մխիթար Զաքարյանն այս պահին ՀՀ քննչական կոմիտեի շենքում է, աջակիցներն էլ շենքի դիմաց են։ Հիշեցնենք, որ վարչապետ Նիկոլ Փաշինյանի՝ Սյունիք կատարած երեկվա այցից հետո իրավապահները բերման են ենթարկում կամ հարցաքննության կանչում Սյունիքի մի շարք համայնքապետերի եւ քաղաքացիների։ Իշխանամետները երեկվանից լուրեր են տարածում, թե Մխիթար Զաքարյանը Նիկոլ Փաշինյանի դեմ ցույցերի կազմակերպիչներից է։
Հրանտ Մելիք-Շահնազարյան
«Սյունիքում ոտքի կանգնած ժողովուրդը Նիկոլի դեմ չէր պայքարում, այլ սեփական տանն ապրելու եւ այդ տունը չայրելու իրավունքի համար էր պայքարում։ Սյունեցին գիտի, որ թշնամու նշանառության տակ է, որովհետեւ Փաշինյանը Կապանի հարակից բարձունքները հանձնել է թշնամուն»,-ՔԿ-ի դիմաց լրագրողների հետ զրույցում անդրադառնալով սյունեցիների երեկվա բողոքի գործողություններին Նիկոլ Փաշինյանի դեմ՝ ասաց քաղաքագետ Հրանտ Մելիք-Շահնազարյանը։
«Սյունեցին տեսնում է, որ վտանգ կա Սյունիքի վերահսկողությունը թողնելու Ալիեւի եւ Էրդողանի ցանկությանը։ Բնական է բողոքի ալիքը, որը նոր չէ։ Նոյեմբերի իննից Սյունիքում այդ տրամադրություններն են։ Մարդիկ լավ գիտեն, որ երբ դուրս էին եկել Նիկոլի դեմ, թշնամու դիպուկահարն իրենց տեսնում էր։ Դրա համար էլ դուրս էին գալիս։ Ուստի սյունեցիների վրա երկու կողմից է հարձակումը՝ դավաճան իշխանության եւ թշնամու»,-հավելեց նա։
Կարդացեք նաև
Լուիզա ՍՈՒՔԻԱՍՅԱՆ
