ՀՀ գլխավոր դատախազությունը վերացրել է Բարձր տեխնոլոգիական արդյունաբերության արդեն նախկին նախարար Հակոբ Արշակյանի եւ լրագրող Փայլակ Ֆահրադյանի գործով քրեական գործ հարուցելը մերժելու մասին ՀՔԾ որոշումն ու քրեական գործ է հարուցել։ Այս մասին «Հայկական ժամանակի» հետ զրույցում տեղեկացրեց Գլխավոր դատախազության հանրային կապերի բաժնի պետ Արևիկ Խաչատրյանը։
Քրեական գործը հարուցվել է ՀՀ ՔՕ 185-րդ հոդվածի 2-րդ մասի 3-րդ կետի հատկանիշներով («Գույքը դիտավորությամբ ոչնչացնելը կամ վնասելը»):
Նշենք, որ ապրիլի 13-ին Հատուկ քննչական ծառայությունը մերժել էր ՀՀ բարձր տեխնոլոգիական արդյունաբերության նախկին նախարար Հակոբ Արշակյանի եւ լրագրող Փայլակ Ֆահրադյանի միջեւ տեղի ունեցած միջադեպի առթիվ քրեական գործի հարուցումը:
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
