«Հայրենիքի փրկության շարժման» անդամների ու համակիրների՝ կառավարական առանձնատան մոտ բողոքի ցույցը շարունակվում է։ Ցույցն ընդդեմ վարչապետ Նիկոլ Փաշինյանի է եւ ի աջակցություն Սյունիքում այսօր տեղի ունեցած ցույցերի։
Մեծ թվով ոստիկանական ուժեր են կուտակված։ Քաշքշուկ տեղի ունեցավ ցուցարարների եւ կարմիր բերետավորների միջեւ, երբ ցույցի մասնակիցները հավկիթներ նետեցին կառավարական առանձնատան ուղղությամբ: Իրավիճակը լարվեց, երբ ոստիկանները մի քանի ցուցարարի նստեցրեցին մեքենան, ցուցարարները փակեցին ոստիկանական մեքենայի ճանապարհը,եւ պահանջում էին մեքենայից իջեցնել նրանց։ Սակայն ոստիկանական մեքենային հաջողվեց դուրս գալ տարածքից:
Այս պահին իրավիճակը հանդարտվեց, ցույցի մասնակիցները շարունակում են իրենց անհնազանդության ցույցը։
Կարդացեք նաև
Նելլի ԲԱԲԱՅԱՆ
