ԵԽԽՎ-ում ՀՀ պատվիրակության անդամ Տաթեւիկ Հայրապետյանի հետ զրուցել ենք Ստրասբուրգում առկա իրավիճակի, քննարկումից ակնկալիքների մասին:
– Տիկին Հայրապետյան, ի՞նչ կտա մեզ գերիների հարցի քննարկումը ԵԽԽՎ լիագումար նիստում:
– Դեռեւս ձմեռային նստաշրջանում փորձում էինք այս հարցը ներառել ԵԽԽՎ նստաշրջանի օրակարգ, սակայն այն ժամանակ դա մեզ չհաջողվեց: Եվ սա մեծ հաջողություն էր, որ չնայած ադրբեջանական պատվիրակության ղեկավարի փորձերին՝ տապալել հարցի քվեարկությունը, մեզ հաջողվեց հարցը ներառել օրակարգում: Մենք մեր առաջ խնդիր ենք դրել այսպիսով մեծացնել միջազգային ճնշումը Ադրբեջանի վրա՝ գերիների շուտափույթ վերադարձի համար: Ադրբեջանի վրա ճնշումը մեծացնելու առումով սա շատ լավ գործիք է:
Կարեւորում ենք հատկապես 3-րդ կողմերից ելույթները: Այս հարցը պետք է դառնա իրական գլխացավանք պաշտոնական Բաքվի համար, ինչ-որ պահից արդեն անհնար է դառնալու այդ ճնշման ներքո փորձել պահել գերիներին:
Կարդացեք նաև
– Արտախորհրդարանական ընդդիմությունը եւ հատկապես ՀՀԿ-ականները իրենց գրառումներում քննադատում են ԵԽԽՎ-ում գերիների հարցի քննարկումը: Նշում են, որ սա հնարավորություն է Եվրոպային՝ հիմա մի քանի բոցաշունչ ելույթներ ունենալ եւ պատերազմի ընթացքում պահած լռությունը մաքրել իր վրայից: Համամիտ չե՞ք:
– Եթե չեմ սխալվում անցած անգամ էլ նույն մարդիկ բողոքում էին, որ մեզ չհաջողվեց այդ հարցը ընդգրկել օրակարգ: Ակնհայտ է իրենց դիրքորոշումների դրդապատճառը: Մենք մեր խնդիրն ենք առաջ տանում:
Սյուզաննա ՊՈՂՈՍՅԱՆ
Հարցազրույցն ամբողջությամբ՝ «Հայկական ժամանակ» օրաթերթի այսօրվա համարում
