Ստրասբուրգում ապրիլի 19-ին մեկնարկում է Եվրոպայի խորհրդի խորհրդարանական վեհաժողովի (ԵԽԽՎ) գարնանային նստաշրջանը: Այն կանցկացվի հիբրիդային ձևաչափով: Նստաշրջանի ընթացքում Գերմանիայի՝ Նախարարների կոմիտեի նախագահության առիթով ելույթով հանդես կգա Գերմանիայի կանցլեր Անգելա Մարկելը և Եվրոպայի պետնախարար Մայքլ Ռոթը:
ԵԽԽՎ գարնանային նստաշրջանին կմասնակցի նաև Եվրոպական խորհրդարանի նախագահ Դավիդ Սասսոլին:
Այս նստաշրջանի ընթացքում ևս հայկական պատվիրակությունը հրատապ հարցերի շրջանակում ԵԽԽՎ օրակարգում առաջարկել է ներառել նաև հայ ռազմագերիների հարցը:
Հիշեցնենք՝ ձմեռային նստաշրջանի ընթացքում լիագումար նիստի օրակարգում չընդգրկվեց հայ ռազմագերիների վերադարձի ձգձգման հարցը:
Կարդացեք նաև
Օրակարգում՝ որպես հրատապ հարց ներառելու պահանջ է ներկայացվել նաև Ալեքսեյ Նավալնիի ձերբակալումը և կալանավորումը, Թուրքիայում ժողովրդավարական հաստատությունների գործունեությունը, Եվրոպայում խաղաղության հաստատման համար ռուսական սպառնալիք թեմաներով, COVID-19-ի պատվաստումների հետ կապված հարցեր:
Տաթև ՀԱՐՈՒԹՅՈՒՆՅԱՆ
