«Այս ելույթների ընթացքում իրենք ապացուցեցին, որ իրենք գիտեին պատերազմի նախապատրաստման մասին, բայց Մաշտոցի պողոտայում խորոված էին անում»,-խորհրդարանում լրագրողների հետ զրույցում այսօր անդրադառնալով ԱԺ այս նստաշրջանում ընդդիմությանն ուղղված «Իմ քայլի» պատգամավորների ելույթներին՝ ասաց «Լուսավոր Հայաստան» խմբակցության ղեկավար Էդմոն Մարուքյանը։
Նրա խոսքով․ «Ելույթներով պետք է ապացուցեն, որ առաջիկայում նախընտրական ցուցակում արժանի են տեղ ունենալուն։ Որքան շատ գոռան, այնքան շանսերը մեծ են»։
Ինչ վերաբերում է տարածքային կառավարման են ենթակառուցվածքների նախարար Սուրեն Պապիկյանի այսօրվա ասածին, թե Էդմոն Մարուքյանը Նիկոլ Փաշինյանի շվաքի տակ է անցել խորհրդարան՝ Մարուքյանը շեշտեց․ «Պարոն Պապիկյանին խորհուրդ եմ տալիս 2017թ․ ընտրությունների տվյալներն ուսումնասիրի եւ տեսնի՝ ինքը որքա՞ն ձայն է հավաքել, ես՝ որքան, հետո նոր կորոշենք, թե ով ում ստվերի տակ է եղել։ Երկրորդ, «Քաղաքացիական պայմանագիր» կուսակցության խորհուրդը փակ քվեարկությամբ ինձ ընտրել է «Ելք» դաշինքի առաջին համար։ Այդ ո՞վ է ում ստվերում եղել։ Նիկոլ Փաշինյանն էլ երրորդ համարն էր։ Շահարկումներ անում են նրանք, ովքեր ամբողջ կյանքում ստվեր են փնտրում, որ ստվերի տակ կանգնեն»։
Կարդացեք նաև
Լուիզա ՍՈՒՔԻԱՍՅԱՆ
