ԱԺ-ում քննարկվում է կառավարության ծրագրի կատարողականի 2020 -ի ընթացքի մասին զեկույցը: Արտահերթ ելույթով հանդես եկավ ԱԺ փոխխոսնակ Լենա Նազարյանը:
Նա անդրադարձավ «Լուսավոր Հայաստան» խմբակցության քարտուղար Գեւորգ Գորգիսյանի եւ վարչապետի հարցուպատասխանին, երբ Գորգիսյանը Փաշինյանին ասել էր՝ դուք մոդերատո՞ր եք, թե՞ վարչապետ ու գերագույն գլխավոր հրամանատար. «Գորգիսյանին վրդովվեցնում է, որ գեներալներն են որոշել: Մի ուրիշ դրվագում ԼՀԿ-ին դուր չի եկել, որ նոյեմբերի 9-ի փաստաթուղթը Փաշինյանը միանձնյա է որոշել ստորագրել, չի բերել այն խորհրդարան, որպեսզի այդ նեղ պահին մի հատ քննարկենք, տեսնենք, թե ոնց ենք մերժում, հետ ուղարկում: Հիմա բոլորովին չվիճարկելով ընդդիմության՝ քաղաքական մեղադրանքների իրավունքը, ուզում եմ հարցնել՝ հարգելի գործընկերներ, ինչո՞ւմ եք մեղադրում՝ միանձնաբար գործելու, թե՞ կարծիքներ հաշվի առնելու համար»:
Ըստ Նազարյանի, ընդդիմությունը պատասխանատվություն չի զգում ու իրեն թույլ է տալիս լինել անպատասխանատու, խճճել, տարամեկնաբանել ամեն ինչ. «Նոյեմբերի 9-ի հայտարարությունից հետո «Իմ քայլը» խմբակցությունից դուրս եկած պատգամավորն ասում է՝ պարտությունը ձերն է: Այն, որ ինքը պարտության ամբողջ ընթացքում խմբակցության անդամ էր, իհարկե, մոռանում է: Մեղադրում է, ասում է՝ Քարվաճառը հանձնեցիք, ու մեղադրում է զոհերի համար: Հիմա կողմնորոշվեք՝ ինչո՞ւմ եք մեղադրում, որ Քարվաճառն առանց մի կրակոցի՞ է հանձնվել, թե՞ որ կրակոցից մարդիկ են զոհվել, կողմնորոշվե՛ք: Եթե, իհարկե, ձեր նպատակը կողմնորոշվելն է»:
Կարդացեք նաև
Հռիփսիմե ՋԵԲԵՋՅԱՆ
