Երեկ Հատուկ քննչական ծառայություն էր հրավիրվել ԲԴԽ նախագահ Ռուբեն Վարդազարյանը, որի նկատմամբ քրեական գործ է հարուցվել, և հենց տեղում մեղադրանք է առաջադրվել: Զուգահեռաբար ԲԴԽ-ն նիստ է արել և կասեցրել Վարդազարյանի լիազորությունները, նրա տեղը զբաղեցրել է իշխանության սրտի ԲԴԽ անդամ Գագիկ Ջհանգիրյանը:
Վարդազարյանը Hraparak.am-ին ասաց, որ իրեն մեղադրանքն առաջադրվել է Քրեական օրենսգրքի 332-րդ հոդվածի 3-րդ մասի հատկանիշներով` արդարադատությամը միջամտելը, խափանման միջոց է ընտրվել սստորագրությունը չհեռանալու մասին:
-Պարոն Վարդազարյան, ԲԴԽ անդամներից մի քանիսն են միայն դեմ եղել, որ Ձեր լիազորությունները կասեցնեն, տեղյա՞կ եք` ովքեր են կողմ քվեարկել:
-Այո, հինգ գիտնական և մեկ դատավոր անդամ է կողմ եղել` Սերգեյ Չիչոյանը, իսկ դեմ են եղել դատավոր անդամ Ստեփան Միքայելյանը և Անի Մխիթարյանը: Պարոն Մակյանն էլ Քովիդով հիվանդ է և չի մասնակցել:
Կարդացեք նաև
-Ձեզ հիմա փոխարինում է Գագիկ Ջհանգիրյանը, փաստորեն, որից արդեն եզրակացրին շատերը, որ սա, փաստորեն, իշխանությունների ծրագիրն էր` այս ձևով ազատվել Ձեզանից և Ջհանգիրյանին նստեցնել Ձեր աթոռին:
-Կարծում եմ` այո:
-Հասա՞ն իշխանությունները իրենց ուզածին:
-Կարծում եմ, որ իրենց ուզածին չեն հասել, քանի դեռ աշխատասենյակը և ծառայողական ավտոմեքենայի պայքարը չի ավարտվել:
Վահե ՄԱԿԱՐՅԱՆ
Հոդվածն ամբողջությամբ՝ «Հրապարակ» թերթի այսօրվա համարում:
