«Որքան էլ տհաճ կամ հոգնեցնող թվա նախկինների մասին խոսելը, ստիպված ենք դա անել։ Չենք կարող խոսել եւ ապագա պլանավորել, երբ հենց հիմա կան շրջանակներ, որոնք անում են ամեն ինչ՝ բոլորին ավելի երկար ցավի ու դառնության մեջ պահելու, հետո այդ ցավով սնվելու համար։ Հակառակ դեպքում, օրինակ, ինչո՞ւ են կեղծում զոհերի թվերը»,-ԱԺ լիագումար նիստում այսօր հայտարարեց «Իմ քայլի» պատգամավոր Արթուր Հովհաննիսյանը՝ հիշեցնելով, որ երեկ վարչապետ Նիկոլ Փաշինյանը զոհերի թվերը հնչեցրեց։
«Երեկոյան տեսանք, որ կոնկրետ շրջանակներ երկու անգամ ավելի մեծ թվեր են ներկայացնում ժողովրդին։ Սրանից ավելի մեծ անբարոյականություն չեմ պատկերացնում։ Մի հարցում կեղծեցիք, բայց մեր հիշողությունը ո՞նց եք կեղծելու։ 2003թ․ այս օրերին Բաղրամյան պողոտայում քոչարյանական բանդան դաժան ծեծի էր ենթարկում պատգամավորներին, լրագրողներին։ Հիշողությունն ինչպե՞ս եք կեղծելու»,-հարցադրում արեց Արթուր Հովհաննիսյանը։
Լուիզա ՍՈՒՔԻԱՍՅԱՆ
