«Լուսավոր Հայաստան» խմբակցության ղեկավար Էդմոն Մարուքյանը վստահեցրեց, որ երեկ ԱԺ-ում վարչապետ Նիկոլ Փաշինյանի ելույթը քարոզարշավի մաս էր. «Որ գնա գյուղ, հարցնեն՝ բա Օնիկ Գասպարյանն ասում էր 4-րդ օրը կանգնեցրեք պատերազմը, ասի՝ ես պառլամենտում ելույթ եմ բա ունեցել, ասել եմ՝ դա սուտ է»: Ըստ նրա, Փաշինյանն ուզում էր թեման փակել, հանգիստ գնալ ընտրությունների, բայց թեման այդպես չի փակվում, մարդիկ չեն հավատում:
Իմքայլականների ծափահարությունների մասին՝ Մարուքյանն իր բացատրությունն ուներ. «Իրականությունը հետեւյալն է՝ նրանք ծափահարում էին լիդերին, որովհետեւ այս օրերին գրվում է ցուցակը եւ ով ուժեղ ծափ տա, ով առաջինը կանգնեց, ով մի քիչ կռացավ, բան, դա, ծափի ուժգնությունը կապ ունի ցուցակի համարի հետ: Թե չէ Հայաստանի ապագային հավատալ, բան, պարզ է, որ իրենք ուղղակի ուզում են իրենց մանդատի ապագային հավատան, Հայաստանի ապագային հավատացող չեն»:
Դիտարկմանը, որ ձեր տրամաբանությամբ՝ Մակունցը առաջին հորիզոնականում է լինելու, որովհետեւ առաջինն է ծափ տվել՝ նա պատասխանեց, որ Մակունցը դեսպան է լինելու. «Դա ավելի ուժեղ բան է»: Ըստ Մարուքյանի, «Իմ քայլը» կարող էր ավելի անկեղծ լինել եւ ասել՝ այո, մենք ծափահարում էինք լիդերին:
Կարդացեք նաև
Հռիփսիմե ՋԵԲԵՋՅԱՆ
