«Ադրբեջանի նախագահի հայտարարությունները նոր չեն։ Հիմա որոշակի դիագնոզ է մտել այդ հայտարարությունների մեջ, որովհետև ստեղծել թանգարան, ցուցադրել զոհված զինվորների մարմիններ, հետո նկարվել եւ դա ի ցույց դնել միջազգային հանրությանն ու սեփական ժողովրդին․․․այստեղ որոշակի հոգեբանական աջակցության հարց է առաջանում»,-ԱԺ նիստում ՀՀ կառավարության ծրագրի կատարման 2020թ․-ի ընթացքի մասին զեկույցի ներկայացման ժամանակ այսօր ասաց ՀՀ վարչապետ Նիկոլ Փաշինյանը՝ անդրադառնալով Բաքվում հայկական կողմի ռազմավարի ցուցադրության բացմանը։
Նա նշեց․ «Պետք է ոչ թե ագրեսիվությամբ ու վրեժով, այլ կարեկցանքով լցվել նման մարդկանց նկատմամբ։ Եթե չեմ սխալվում, Իգնատ Մամյանը Ղարաբաղյան հակամարտության մասին մի բանաստեղծություն էր գրել, որտեղ այսպիսի քառատող կա․
Ես քեզ չեմ ատում, ես խղճում եմ քեզ,
Այդպես խղճում են մարդիկ խելացի,
Կարդացեք նաև
Հոգեհիվանդի մռայլ վանդակից
Իրեն հայհոյող խենթ արարածին»։
Փաշինյանը նշեց, որ սա էլ իր պատասխանն է Իլհամ Ալիեւին՝ այս բանաստեղծության տեսքով։
Լուիզա ՍՈՒՔԻԱՍՅԱՆ
