ՀՀ հաշվեքննիչ պալատը դիմել է գլխավոր դատախազություն: Պատճառը ՀՀ աշխատանքի եւ սոցիալական հարցերի նախարարությունն է: ՀՀ հաշվեքննիչ պալատը որոշում է կայացրել նախարարության ֆինանսատնտեսական գործունեության հաշվեքննության արդյունքներով առերեւույթ հանցագործության հատկանիշներ պարունակող արարքների վերաբերյալ նյութերը ուղարկել դատախազություն:
«Ժողովուրդ» օրաթերթը տեղեկացավ, որ ստուգվել է 2019 թվական հունվարի 1-ից մինչեւ 2019-ի դեկտեմբերի 31-ը ներառյալ։ Ի դեպ, տեղեկացնենք, որ այս ժամանակահատվածում սոցապնախարարը Զարուհի Բաթոյանն է եղել (Բաթոյանը նախարար նշանակվել է 2019-ի հունվարի 18-ին, իսկ մինչ այդ՝ փոխնախարար):
Հաշվեքննության ընթացքում իրականացվել են ստուգումներ «Խարբերդի մասնագիտացված մանկատուն», «Երեւանի Մարի Իզմիրլյանի անվան մանկատուն», «Երեւանի թիվ 1 տուն ինտերնատ» եւ «Վարդենիսի նյարդահոգեբանական տուն- ինտերնատ» ՊՈԱԿ-ներում:
Հաշվեքննիչ պալատի ուսումնասիրության արդյունքում պարզվել է, որ թվով 45 աշխատակիցներ հանդիսանում են նաեւ այլ կազմակերպությունների աշխատակիցներ, ընդ որում՝ թվով 14 աշխատակիցների միաժամանակ աշխատում են 3 եւ ավելի գործատուների մոտ:
Կարդացեք նաև
Բացի այս, Պալատը ռիսկեր է տեսել պայմանագրով սահմանված թվով 220 խնամվողի համար, որոշ ապրանքատեսակների ձեռքբերման քանակի դեպքում, մասնավորապես՝ եթե «Սվիտեր բրդյա 7-18 տարեկան երեխաների համար» գնել են 300 հատ, ապա «Սպորտային հագուստ աղջկա»՝ 30 հատ, «Վարտիկ տղամարդու»՝ 300 հատ, իսկ «Ձմեռային կոշիկ տղայի»՝ 10 զույգ, «Ներքնակի երես փոքր» 20 հատ:
Հոդվածն ամբողջությամբ՝ «Ժողովուրդ» օրաթերթի այսօրվա համարում
