ՀՀ-ում Ֆրանսիայի արտակարգ և լիազոր դեսպան Ժոնաթան Լաքոթն այսօր լրագրողների հետ զրույցում անդրադարձել է Ղարաբաղյան հակամարտությանը: Դեսպանն, ի դեպ, օրերս Եռաբլուր էր այցելել եւ գրառում կատարել ֆեյսբուքյան իր էջում:
Ես լիովին հասկանում եւ կիսում եմ հայ հասարակության զգացմունքները՝ կապված Բաքվում այսպես կոչված «այգու» բացման հետ, ասել է Հայաստանում Ֆրանսիայի արտակարգ եւ լիազոր դեսպան Ջոնաթան Լաքոտը: Ֆրանսիացի դիվանագետը նշեց, որ վերջերս այցելել է Եռաբլուրի ռազմական գերեզմանատուն: «Մենք տեսնում ենք, թե որքան զոհեր կան, որքան կորուստներ: Մենք տեսնում ենք ընտանիքների տառապանքները: Բայց դա նաեւ տեղ է, որտեղ դրսեւորվում է արժանապատվությունը:
Պատերազմը ներկայացում բեմադրելու առարկա չէ: Այժմ առաջնահերթությունը հակամարտության լուծումը գտնելն է: Առաջնայինը գերիների վերադարձն է` նոյեմբերի 9-ի եռակողմ հայտարարության եւ միջազգային մարդասիրական իրավունքի համաձայն, տեղահանվածների վերադարձը, մշակութային եւ կրոնական ժառանգության պաշտպանությունը եւ երկարաժամկետ խաղաղություն գտնելու համար կառուցողական երկխոսության վերսկսումը»,- ընդգծեց դեսպանը:
Պատասխանելով այն հարցին, թե արդյո՞ք Ադրբեջանի իշխանությունների ագրեսիվ հռետորաբանությունը նպաստում է հարաբերությունների հաստատմանը, դեսպանը նշեց. «Հայաստանն արժանապատիվ է իր պարտության մեջ: Պետք է արժանապատիվ լինել նաեւ հաղթանակի դեպքում»:
Կարդացեք նաև
Մանրամասները՝ տեսանյութում
