«Հավատացած եմ, որ մեր պետությունը եւ մեր սերունդները շատ ավելի երկար ու երջանիկ են ապրելու այս տարածաշրջանում, քան Ալիեւը եւ նրա մարդասպան համակարգը։ Մարդասպանության վայրագրություններն ի ցույց դնելով՝ նա մարտահրավեր է նետել ողջ աշխարհին»,-ԱԺ լիագումար նիստում այսօր անդրադառնալով Բաքվում հայկական ռազմավարի պուրակի բացմանը՝ ասաց ԱԺ փոխնախագահ Լենա Նազարյանը։
Նա նշեց․ «Ես չեմ ուզում, որ Ալիեւի հետ մեկտեղ թիրախավորվի տարածաշրջանում խաղաղ ապրելու մեր մեծ ձգտումը։ Եւ ուրեմն՝ ի՞նչ անել, երբ հարեւան երկիրը նվիրագործում է մարդասպանությունն ու այլատյացությունը. Իրավական-քաղաքական գործիքներով ոչ միայն խայտառակ անել գարշելի երեւույթը եւ դրա հեղինակին, այլեւ ի հեճուկս Ալիեւի՝ շարունակել ներդնել անկեղծ ջանքեր՝ տարածաշրջանն անվտանգ դարձնելու համար»։ Լենա Նազարյանի խոսքով․ «Այս տարածաշրջանում խաղաղություն պետք է լինի բոլոր ժողովուրդներին՝ ի հեճուկս Ալիեւի, կամ, էլ ավելի լավ՝ առանց Ալիեւի»։
Լուիզա ՍՈՒՔԻԱՍՅԱՆ
