Կանադայի արտաքին գործերի նախարար Մարկ Գարնոն հայտարարություն է տարածել, որով չեղյալ է հայտարարում Թուրքիային բոլոր ռազմական ապրանքների և տեխնոլոգիաների արտահանման վավեր թույլտվությունները:
«Այս (Կանադայի Գլոբալ գործերի և Ազգային պաշտպանության դեպարտարմենտի-խմբ.) համատեղ ուսումնասիրությունը հավաստի ապացույցներ է գտել առ այն, որ Լեռնային Ղարաբաղում օգտագործվել են կանադական տեխնոլոգիաներ, որոնք արտահանվել են Թուրքիա: Այսօր ես հայտարարում եմ, որ չեղարկում ենք թույլտվությունները, որոնք դեռ 2020-ի աշնանը ժամանակավորապես կասեցվել էին»,- ասվում է Գարնոյի հայտարարության մեջ:
Նման որոշում է կայացվել, քանի որ «այդ օգտագործումը չէր համապատասխանում Կանադայի արտաքին քաղաքականությանը և ոչ էլ Թուրքիայի կողմից դրանց վերջնական օգտագործման վերաբերյալ տրված երաշխիքներին»:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
