Լրահոս
Դասն ավարտվել է
Տնկվել է շուրջ 2500 ծառ
Օրվա լրահոսը

Արշակ Կարապետյան. Ավարտում եմ աշխատանքս Հանրապետության նախագահ Արմեն Սարգսյանի հետ

Ապրիլ 12,2021 12:19

«Երևան իմ սեր» հիմնադրամի նախկին տնօրեն Արշակ Կարապետյանի ֆեյսբուքյան գրառումը

Վերջերս բազմաթիվ զանգեր եմ ստանում տարբեր լրատվամիջոցների ներկայացուցիչներից՝ Հանրապետության Նախագահ Արմեն Սարգսյանի «ԱՏՕՄ» նախագծի և «Երևան իմ սեր» հիմնադրամի հետ կապված։

Այդ պատճառով որոշեցի նորից ակտիվացնել ֆեյսբուքյան էջս և բոլոր հետաքրքրվողներին միանգամից պատասխանել․

«Երևան իմ սեր» հիմնադրամի տնօրենի պաշտոնից սեփական դիմումի համաձայն ազատվել եմ դեռ 2020թ․ հոկտեմբերի 1-ին։ Այդ պատճառով իրավասու չեմ համարում ինձ մեկնաբանություններ տալ հիմնադրամի վերջին ամիսների գործունեության վերաբերյալ։

Նախքան «Երևան իմ սեր» հիմնադրամի տնօրենի պաշտոնից հրաժարվելս Հանրապետության Նախագահ Արմեն Սարգսյանից առաջարկություն եմ ստացել ղեկավարելու ԱՏՕՄ նախագիծը՝ առավել ևս, որ մասնակցել եմ «ԱՏՕՄ» հիմնադրամի գրանցմանը և նույնիսկ գրանցման փաստաթղթերում իրավաբանորեն նշված եմ եղել որպես տնօրենի ժամանակավոր պաշտոնակատար։

Ցավոք սրտի, պատերազմը, դրան հաջորդած իրադրությունը և ՔՈՎԻԴ-ով վարակվելը հետաձգեց նախագծի՝ հայաստանյան գործունեության վերաբերյալ քննարկումները մինչև 2021թ․ գարուն։

Այս փուլում որոշեցի զբաղվել այլ գործունեությամբ, հետևաբար, ամենայն հարգանքով հանդերձ, նախընտրելի համարեցի հրաժարվել նաև այդ նախագծով համագործակցությունից։

Նախագահ Արմեն Սարգսյանի հետ ունեցել ենք և ունենք շատ լավ հարաբերություններ։ Շնորհակալ եմ ավելի քան տասը տարվա վստահության և համատեղ աշխատանքի համար։ Այս պահին դադարել են ընդամենը աշխատանքային հարաբերությունները և որևէ ինտրիգ, կոնֆլիկտ, սկանդալ, լարվածություն պետք չէ փնտրել։

Հետևաբար՝ էթիկապես ճիշտ չեմ համարում մեկնաբանություններ տալ վերոգրյալ հարցերի վերաբերյալ։

Ընդամենը այսքանը )))

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2021
Երկ Երե Չոր Հնգ Ուրբ Շաբ Կիր
« Մար   Մայիս »
 1234
567891011
12131415161718
19202122232425
2627282930