ԱԺ «Իմ քայլը» խմբակցության պատգամավոր Արտակ Մանուկյանն առաջարկում է փոփոխություններ եւ լրացումներ կատարել ՀՀ հողային օրենսգրքում, որի նպատակը պետության եւ համայնքային սեփականություն հանդիսացող հողատարածքների աճուրդների ընթացքում ի հայտ եկած խնդիրների կարգավորումն է:
Նրա պարզաբանմամբ՝ գործող օրենքով կարգավորումներն այնպիսին են, որ դրանք որոշ մարդկանց հնարավորություն են տալիս խափանելու հողատարածքների աճուրդների անցկացումը: Տարածված երեւույթ է, երբ աճուրդի մասնակիցներից ոմանք աճուրդի սկզբում հողի համար անհիմն բարձր գին են առաջարկում, սակայն հետագայում հրաժարվում, ինչի հետեւանքով խաթարվում է մրցույթի արդար անցկացումը: Վերջնարդյունքում տվյալ հողը վաճառվում է խիստ ցածր գնով:
Աճուրդների թափանցիկությունն ապահովելու համար աճուրդի դրվող հողամասերի վերաբերյալ հայտարարությունները կհրապարակվեն մամուլում, կտեղադրվեն azdarar.am-ի, ինչպես նաեւ մարզպետարանների կայքերում:
Հեղինակի տեղեկացմամբ՝ առաջինից երկրորդ ընթերցում ընկած ժամանակահատվածում նախագիծը իր եւ Կառավարության առաջարկների հիման վրա լրամշակվել է, կատարվել են որոշ փոփոխություններ:
Կարդացեք նաև
ՀՀ տարածքային կառավարման եւ ենթակառուցվածքների նախարարի տեղակալ Վաչե Տերտերյանը ներկայացրեց Կառավարության դրական եզրակացությունը:
Ապրիլի 9-ին ԱԺ տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի հերթական նիստում երկրորդ ընթերցմամբ քննարկված նախագիծը դրական եզրակացությամբ կընդգրկվի ԱԺ հերթական նիստերի օրակարգի նախագծում:
ՀՀ Ազգային ժողով
