Քիչ առաջ ոստիկանապետ Վահե Ղազարյանը դուրս եկավ ՊՆ շենքից: Նա ցուցարարներին փոխանցեց, որ նախարարությունը պատրաստ է ընդունել 10 ծնողների. այս առաջարկը չստացավ հարազատների համաձայնությունը:
Հիշեցնենք, որ անհայտ կորածների ծնողները երեկ առավոտից շրջափակել էին Պաշտպանության նախարարությունը: Կեսգիշերին նրանց էին միացել նաև գերեվարվածների ծնողները:
Relatives of the missing soldiers blocked the entrance of the RA Ministry of Defense during the protest action in Yerevan, Armenia
Գերեվարվածի հոր փոխանցմամբ՝ ոստիկանապետն ասել է, որ ԳՇ պետը չի կարող բոլորին միաժամանակ ընդունել, կարող է 10-10 ընդունել, իսկ իրենք հրաժարվում են բաժանվել, ցանկանում են բոլորով հանդիպում ունենալ:
Կարդացեք նաև
«Այս հսկայական շենքում չկա՞ տեղ, որ բոլորիս ընդունեն: Երեկվանից մեզ բացարձակ ոչ ոք չի մոտեցել, չի խոսել: Եթե բավարար ջանքեր ներդնեին, մեր երեխաները վաղուց Հայաստանում կլինեին»:
Պնդմանը, թե գուցե վերջին պահին Ադրբեջանը չի տվել գերիներին՝ ցուցարարն արձագանքեց. «Թող իրենք էլ Քարվաճառը չտային, տալուց առաջ թող մեր երեխեքին բերեին: Ամիսուկես ծառայած միակ 18 տարեկան տղայիս հանել են դիրքեր, Ադրբեջանից զանգ եմ ստացել, ասել են, որ երեխես իրենց մոտ է: Դիմել եմ ԱԱԾ-ին, թող պարզեն»:
Նելլի ԳՐԻԳՈՐՅԱՆ
