Մոսկվայում ընթացող ծանրամարտի Եվրոպայի առաջնությունում 89 կգ քաշային կարգի պատվո պատվանդանին միանգամից Հայաստանի տղամարդկանց ազգային հավաքականի երկու ներկայացուցիչ բարձրացավ: Կարեն Ավագյանը երկամարտում ցույց տվեց 375 (175+200) կգ ու նվաճեց չեմպիոնի կոչումը, իսկ Անդրանիկ Կարապետյանը 365 (170+195) կիլոգրամով դարձավ բրոնզե մրցանակակիր: Արծաթը բաժին հասավ Վրաստանի ներկայացուցիչ Ռեվազ Դավիթաձեին 374 (171+203) կգ:
Կարենը փոքր ոսկու արժանացավ նաեւ պոկում, եւ փոքր արծաթի՝ հրում վարժությունում, իսկ Անդրանիկին փոքր բրոնզ բաժին հասավ պոկումում: Երկրորդ վարժությունում նա վեցերորդն էր:
Աշոտ ՀԱԿՈԲՅԱՆ
