Այսօր ԱԺ պաշտպանության եւ անվտանգության հարցերի հանձնաժողովի նախագահ Անդրանիկ Քոչարյանը հայտարարեց, որ ժողովուրդը, երբ իրենց մանդատ տա, թալանածը հետ կբերեն, կներդնեն բանակում եւ այլն: Նա խոսեց ՊՆ նախկին նախարար Սեյրան Օհանյանի նոր բնակարանի մասին՝ Վահագնի թաղամասում. «Մինչեւ հիմա Սեյրան Օհանյանը չի կարողանում պատասխան տա այն մեղադրանքին, որը կապված է Վահագնի թաղամասի իր վերսալյան պալատի հետ»:
Երբ լրագրողները հիշեցրին, որ Սեյրան Օհանյանը պարզաբանումներ տվել է, ասել է, որ Վահագնի թաղամասում վարձակալությամբ է ապրում՝ Անդրանիկ Քոչարյանն արձագանքեց, որ խոսքը բոլորովին էլ այդ բնակարանի մասին չէ. «Խոսքը գնում է Վահագնի թաղամասում կառուցվող բնակարանի մասին: Այո, ինքը ինչ-որ տեղ բնակվում է գուցե վարձակալությամբ, բայց այն, ինչ կառուցվում է, չեն կարող հերքել, որովհետեւ դա կատարված փաստ է: Թող ասեն՝ մեր տունը չի, Պողոսինն է: Մի հատ գնանք տենանք՝ Պողոսի տունն ինչի՞ են կառուցում Սեյրան Օհանյանի ցանկությամբ եւ ճաշակով եւ իր կնոջ, իհարկե»:
Հռիփսիմե ՋԵԲԵՋՅԱՆ
Կարդացեք նաև
