Հայաստանի վարչապետ Նիկոլ Փաշինյանը «ՌԻԱ Նովոստիի» հետ զրույցում հայտարարել է, որ կկազմակերպի այնպիսի ընտրություններ, որոնք վիճարկելու առիթ չի լինի:
Փաշինյանը, մասնավորապես, հիշեցրել է 2018թ. կազմակերպված ընտրությունները, որոնք «առաջին անգամ 1996թ. հետո չեն վիճարկվել Սահմանադրական դատարանում»:
«Մեզ հաջողվել է ապահովել լիովին թափանցիկ, ազատ և արդար ընտրություններ, որոնց արդյունքները բոլորն ընդունել են: Դրանք նաև բարձր գնահատական են ստացել միջազգային դիտորդական կառույցների կողմից: Համոզված եմ, որ առաջիկա ընտրությունները նույնպես կանցկացվեն բարձր մակարդակով: Վստահ եմ, որ այս անգամ ևս մեր ժողովուրդն իր ազատ կամարտահայտմամբ կձևավորվի լեգիտիմ իշխանություն: Մենք կարող ենք ապահովել այնպիսի ընտրությունների անցկացում, որպեսզի դրանք վիճարկելու առիթ չլինի»,- ասել է Փաշինյանը:
Խոսելով կոալիցիա կազմելու հնարավորության մասին՝ նա նշել է, որ դրա մասին հնարավոր կլինի խոսել միայն արտահերթ խորհրդարանական ընտրություններից հետո:
Կարդացեք նաև
««Քաղաքացիական պայմանագիր» կուսակցությունն այժմ պատրաստվում է ընտրությունների, և այդ ուղղությամբ քննարկումները շարունակվում են: Ինչ վերաբերում է կոալիցիայի ձևավորմանը, ապա այդ մասին հնարավոր կլինի խոսել միայն ընտրությունների արդյունքների ամփոփումից հետո»,- ասել է Փաշինյանը:
Պատրաստեց՝ Վիկտորյա ԱՆԴՐԵԱՍՅԱՆԸ
