Իրավապաշտպան Վարդան Հարությունյանը ֆեյսբուքյան իր էջում գրում է.
«Խիստ հայրենասեր հայերի մի զանգվածի համար թուրքը հավերժական ու անփոխարինելի թշնամի է։ Այս մասին նրանք՝ քանի օր է խրոխտ հայտարարում են ֆեյսբուքում։ Սա պետք է դիտարկել օրվա իշխանությունների՝ հաշտության մասին արված ժամանակավրեպ, հանրահավաքային ու ցածրակարգ հայտարարությունների համատեքստում՝ որպես այդ հայտարարությունների շարունակություն եւ ի լրումն այդ հայտարարությունների։
Մեկ այլ՝ ավելի փոքր խումբ է ի հայտ եկել, որ ի հեճուկս այս թուրքաթշնամիների (թե՞ թշնամաթուրքերի՝ չգիտեմ, որ ձեւակերպումն է ճիշտ) գրում են, թե ռուսն է մեր մշտական ու անփոխարինելի թշնամին։
Այս երկու խմբերում գտնվող երջանիկները վերջին 100-150 տարվա հայի կերպարն են բանաձեւում՝ անպատասխանատու, զգացմունքային, անհեռատես, իրականությունից կտրված։
Կարդացեք նաև
Որ 1918-21 թթ․ մեր գլխին իրենց բերած արհավիրքը մոռացել են՝ բացատրելի է՝ 100 տարի առաջ էր։ Բայց որ՝ կրկին իրենց մեղքով մեր վզին փաթաթված ու այսքան զոհեր տարած երեկվա պատերազմն են մոռացության տալիս՝ զարմանալի է։
Մենք ենք կերտել մեր ճակատագիրը։
Մենք ենք կերտում մեր ճակատագիրը։
Եւ չկան այլ մեղավորներ»։
