Սյունիքի մարզում, ընդհանուր առմամբ, ինչպես հանրապետությունում, կորոնավիրուսով վարակվածների թվի աճ է գրանցվել։ Ինչպես Aravot.am-ին տեղեկացրին Սյունիքի մարզպետարանից, թվերը մարզպետարանում ամփոփվում են շաբաթական կտրվածքով, եւ ըստ այդմ՝ անցած շաբաթ մարզում ամբուլատոր հսկողության տակ 156 հիվանդ է եղել, 22 անձ բուժվում է հիվանդանոցում։
Նույն ժամանակահատվածում գրանցվել է կորոնավիրուսով վարակվածության 44 նոր դեպք, ապաքինվել է 18 մարդ։
Հիվանդները բուժում են ստանում միայն Կապանի բժշկական կենտրոնում, քանի որ հատուկ պրոֆիլացված բաժանմունքը կրկին բացվել է։
«Միայն առանձին հատուկ դեպքերում է, ասենք՝ հղիներ, ծանր ուղեկցող հիվանդություն ունեցողներ, որոնց անմիջապես տեղափոխում են մայրաքաղաք»,–մեր զրույցում նշեց Սյունիքի մարզպետի խորհրդական Արմինե Ավագյանը։
Կարդացեք նաև
Արմեն ԴԱՎԹՅԱՆ
