Ռուսաստանի Դաշնության մայրաքաղաքում մեկնարկած ծանրամարտի Եվրոպայի առաջնությունում, որը Տոկիոյի ամառային օլիմպիական խաղերի վարկանիշային վերջին մրցաշարն է, Հայաստանի ներկայացուցիչներից առաջինը պայքարի մեջ մտել է կանանց ազգային հավաքականի անդամ 55 կգ քաշային Իզաբելլա Յայլյանը: Նա պոկում վարժությունում երկրորդ մոտեցմամբ բարձրացրել է 90 կգ, ինչը նրան եւ Հայաստանի հաշվարկին բերել է փոքր արծաթե մեդալ:
Իզաբելլան հրում վարժությունում 105 կգ-ով բավարարվել է 7-րդ արդյունքով եւ երկամարտի 195 կիլոգրամով պայքարն ավարտել չորրորդ հորիզոնականում:
Աշոտ ՀԱԿՈԲՅԱՆ
