«Ի՞նչ է անում իշխանությունը։ Իշխանությունը տեսավ, որ Շուշին հանձնելուց հետո իրենց խմբակցությունից հինգ պատգամավոր դուրս եկավ, մեծ մասը՝ վարկանիշային ընտրակարգով ընտրվածներ, որոնք ունեն շրջապատ, հարգանք, ու մարդկանց աչքերի մեջ նայելու խնդիր ունեն։ Իսկ հիմա բերում են ընտրակարգ, որով ժողովուրդն ընտրում է ցուցակի առաջին համարին՝ վարչապետին, նա էլ նշանակում է պատգամավորներին՝ իր դասընկերներին, ընկերներին, իր մոտ աշխատած լրագրողներին»,-խորհրդարանում լրագրողների հետ ճեպազրույցում այսօր անդրադառնալով «Իմ քայլի» հեղինակած ու այսօր լիագումար նիստում քննարկվող՝ ընտրական օրենսգրքում փոփոխությունների փաթեթին՝ ասաց «Լուսավոր Հայաստան» խմբակցության ղեկավար Էդմոն Մարուքյանը։
«Մինչդեռ սահմանադրական իրավունքի համատեքստում պետք է ընտրեինք խորհրդարան, իսկ խորհրդարանը՝ վարչապետ։ Սա անում են, որ վաղը մյուս օրը Ստեփանակերտը հանձնեն՝ որեւէ մեկը դուրս չգա իրենց խմբակցությունից, որ լուռ նայեն իմաստուն առաջնորդի դեմքին»,-հավելեց Էդմոն Մարուքյանը։
Նրա խոսքով՝ «Իմ քայլը» հիմա քննադատում է այն ընտրակարգը՝ վարկանիշայինը, որով հենց իրենք են ընտրվել ժամանակին։
Կարդացեք նաև
Լուիզա ՍՈՒՔԻԱՍՅԱՆ
