Առողջապահության նախարար Անահիտ Ավանեսյանն այսօր կառավարության նիստից հետո լրագրողների հետ զրույցում ասաց, որ մոտ 2-3 օր մեր երկրում բավական լարված իրավիճակ էր, կային հոսպիտալացման սպասող քաղաքացիներ, որոնք ստիպված էին սպասել մի քանի ժամից մինչեւ մեկ օր: Սակայն այս պահին էլ կորոնավիրուսային վարակով փոքր թվով քաղաքացիներ դեռ սպասում են հոսպիտալացման:
Ըստ նրա հոսպիտալացման կարիք ունեցող պացիենտները հիմնականում հենց հիվանդանոցային բուժման եւ թթվածնի կարիք ունեն:
Նախարարն ասաց, որ փոխնախարար Գեւորգ Սիմոնյանի հրապարակած նկարը՝ համալիրում տեղակայված մահճակալներով, հին լուսանկար է:
Տիկին Ավանեսյանի խոսքով, այս շաբաթվա ընթացքում մոտ 300 լրացուցիչ մահճակալ է ներդրվել, բայց պետք է հաշվի առնել, որ մահճակալների ֆոնդն անվերջ չէ:
Կարդացեք նաև
Ասաց, որ թթվածնային սարքերի քանակն այս պահի դրությամբ բավարար է. «Վերջին տարվա ընթացքում 15 լրացուցիչ թթվածնային կայան ենք գնել եւ այլ սարքավորումներ՝ մոտ 3000 մահճակալի հագեցվածություն ենք ապահովել»:
Լուսինե ԲՈՒԴԱՂՅԱՆ
