Կփոխհատուցվեն Արցախյան վերջին պատերազմին մասնակցած 2840 շահառու ուսանողների ուսման վարձերը։ Այսպիսի որոշում կայացրեց կառավարությունն իր այսօրվա նիստում:
ԿԳՄՍ նախարար Վահրամ Դումանյանն ասաց. «Կվճարվի 590 միլիոն դրամ։ Այստեղ ներառված են ինչպես բուհերի, այնպես էլ՝ քոլեջների շահառուները։ Գումարը բաշխված է հետեւյալ կերպ՝ մոտ 82 տոկոսը պետական բուհերն ու քոլեջներն են, 18 տոկոսը՝ ոչ պետականները»:
Նրա խոսքով, այսօրվա դրությամբ պատերազմի մասնակից շահառուների համար արդեն իսկ փոխհատուցվել է, ընդհանուր առմամբ, 205 միլիոն դրամ: Նախարարի տվյալով, շահառուների թիվը եղել է 1373:
Վարչապետ Նիկոլ Փաշինյանը հայտնեց, որ այս ծրագրով հնարավոր շահառուների թիվը 7000 է. «Ֆինանսավորումը կշարունակվի այնքան, մինչեւ բոլոր 7000 շահառուների մեկ կիսամյակի ուսման վարձը փոխհատուցվի»։
Կարդացեք նաև
Լուսինե ԲՈՒԴԱՂՅԱՆ
