Հայաստանի համայնքների միության նախագահ Էմին Երիցյանի ֆեյսբուքյան գրառումը
ՏԻՄ ընտրություններում 6 ամսվա հաշվառման պահանջը հակասում է Սահմանադրությանը
Սահմանադրության 48-րդ հոդվածի 3-րդ կետով սահմանվել է. «Տեղական ինքնակառավարման մարմինների ընտրությունների ժամանակ ընտրելու և ընտրվելու, տեղական հանրաքվեին մասնակցելու իրավունք ունեն ընտրության կամ հանրաքվեի օրը տասնութ տարին լրացած Հայաստանի Հանրապետության քաղաքացիները»:
Սահմանադրությունը որևէ ցենզ չի նախատեսում ու օրենքով չեն կարող լրացուցիչ սահմանափակումներ նախատեսվել, քանի որ սահմանափակումների հնարավորությունը կարող է սահմանվել միայն Սահմանադրությամբ։
Կարդացեք նաև
Մինչդեռ, Ընտրական օրենսգրքի հոդված 2-ի 2-րդ կետի 1) ենթակետը 6 ամսվա հաշվառում ունենալու պահանջ է սահմանում. «Տեղական ինքնակառավարման մարմինների ընտրությունների ժամանակ ընտրելու իրավունք ունեն քվեարկության օրը 18 տարին լրացած՝ ընտրությունն անցկացվող համայնքի բնակչության ռեգիստրում`
1) մինչև քվեարկության օրն առնվազն 6 ամսվա հաշվառում ունեցող Հայաստանի Հանրապետության քաղաքացիները»։
Կարելի էր ենթադրել, որ ԸՕ-ի այս դրույթը նախկինից մնացել է իներցիայի ուժով։ Բայց փաստ է այն, որ Սահմանադրական փոփոխությունից հետ այս խնդիրը մեր կողմից բարձրացվել է մի քանի անգամ, սակայն փոփոխություններ չեն արվել ԸՕ-ում։
Ուստի դիմում եմ ՀՀ մարդու իրավունքների պաշտպանին՝ իր լիազորությունների շրջանակներում ՀՀ Սահմանադրական դատարան դիմելու միջնորդությամբ։
