Տավուշի մարզպետ Հայկ Չոբանյանը հայցադիմում է ներկայացրել Տավուշի մարզի ընդհանուր իրավասության դատարան՝ ընդդեմ նախկին վարչապետ Հրանտ Բագրատյանի։
Մարզպետը պահանջել է վիրավորանքի և զրպարտության հետևանքով պատվին և արժանապատվությանը պատճառված վնասի համար որպես հատուցում հրապարակային ներողություն խնդրել և պատճառված վնասի համար վճարել 1 դրամ։
Մարզպետը նման քայլի է գնացել, այն բանից հետո, երբ մարտի 7-ին Հրանտ Բագրատյանը տեղեկություն էր տարածել, որ Տավուշի սահմանամերձ Ազատամուտ համայնքի հատվածներում ադրբեջանցի զինվորները չափագրումներ են կատարում և շուտով այդ տարածքները հանձնելու են Ադրբեջանին։
Մարզպետը ավելի վաղ նաև տեղեկացրել էր, որ նման անպատասխանատու հայտարարությունների պատճառով Տավուշում մի քանի միլիոն դոլարի ներդրում է կանգնեցվել։
Կարդացեք նաև
Իսկ այսօր Տավուշի խոշորացված Հովք համայնքում տեղի ունեցած Կանաչ գյուղատնտեսություն կենտրոնի բացման ժամանակ լրագրողների հետ զրույցում Հայկ Չոբանյանը Բագրատյանի նման հայտարարությունը հիմարություն է որակել։
Սաթենիկ Հովսեփյան
