Դաշնակցականները ՀՀ անվտանգության խորհրդի շենքի առջեւ անցկացված բողոքի ցույցի ընթացքում այրեցին Թուրքիայի դրոշը:
Դրանից առաջ ՀՅԴ Հայաստանի Երիտասարդական Միության կենտրոնական վարչության անդամ Գոռ Սարգսյանը հայտարարեց. «Մենք հիմա այստեղ կայրենք Թուրքիայի դրոշը: Բայց դրոշը վառելով մենք ոչ թե ուզում ենք Թուրքիային ինչ-որ բան ցույց տալ, այլ Արմեն Գրիգորյանին եւ Նիկոլ Փաշինյանին ջղայնացնել, նրանց ներվերի, նրանց ինքնասիրության հետ խաղալ, որովհետեւ նրանք սպասարկում են Թուրքիայի շահերը: Արմեն Գրիգորյանին անձամբ ուզում եմ ասել, որ նա Հայաստանի Հանրապետությունում հանգիստ չի ապրելու, Արմեն Գրիգորյանը եւ իր տեսակը արտագաղթելու են այս երկրից: Թուրքիայի, Ադրբեջանի, մեր, իմ թշնամիների շահերը սպասարկող մարդիկ, իմ պապերին ջարդողների, իմ հայրենիքը, հազարավոր հայերի կյանքերը խլողների, Հայաստանն առանց հայերի տեսնողների շահերը պաշտպանողները Հայաստանում հանգիստ չեն ապրելու»:
Կարդացեք նաև
Ցույցի մասնակիցները նաեւ Արմեն Գրիգորյանի համար նախատեսված լոլիկ ու հավկիթ էին բերել, սակայն դրանք չնետեցին նրա կողմ՝ հայտարարելով, որ ՀՀ ԱԽ շենքը այնուամենայնիվ պետական կառույց է:
Աշոտ ՀԱԿՈԲՅԱՆ
Լուսանկարները՝ ՀՅԴ Հայաստանի Երիտասարդական Միության էջից
