«Երբ տարբեր միջազգային կառույցներ եւ երկրներ ականատես են, թե Ադրբեջանի տակ անցած տարածքներում ինչպես է իրականացվում լիակատար հայաթափում, ինչպես է ոչնչացնում մեր պատմամշակութային ժառանգությունը, ինչպես են անմարդկային վերաբերմունքի ենթարկվում մեր գերիները՝ արդեն նրանցում հասունանում է այն համոզմունքը, որ Արցախը չի կարող լինել Ադրբեջանի կազմում»,-ԱԺ արտաքին հարաբերությունների մշտական հանձնաժողովում այսօր ՀՀ կառավարության ծրագրի 2020թ․-ի կատարողականի զեկուցման ժամանակ այսօր հայտարարեց ՀՀ ԱԳ նախարար Արա Այվազյանը։
«Եթե այն լինի Ադրբեջանի կազմում, նշանակում է՝ Արցախ առանց հայության։ Սրա մասին է մեր պայքարը, եւ կարծում եմ՝ գնալով միջազգային հանրության մոտ ամրագրվում է այդ իրականությունը»,-համոզմունք հայտնեց Արա Այվազյանը։
Լուիզա ՍՈՒՔԻԱՍՅԱՆ
