«Հայաստանում իշխանության են եկել մի խումբ մարդիկ, որոնք սպասարկում են Ադրբեջանի եւ Թուրքիայի շահերը»։
Այս մասին այսօր Դեմիրճյան փողոցում կազմակերպած հանրահավաքից առաջ լրագրողների հետ զրույցում ասա ՀՅԴ ԳՄ ներկայացուցիչ, «Հայրենիքի փրկության շարժման» համակարգող Իշխան Սաղաթելյանը՝ անդրադառնալով ՀՀ Անվտանգության խորհրդի քարտուղար Արմեն Գրիգորյանի հայտարարությանը, ըստ որի ՀՀ մոտեցումներում պետք է որոշակի շտկումներ լինեն՝ ի պատասխան «Հայաստանը Թուրքիային համարո՞ւմ է թշնամի պետություն» հարցին։
Իշխան Սաղաթելյանի խոսքով՝ նրանք պլանավորված հանձնեցին Արցախը եւ դա ամրագրեցին փաստաթղթով․ «Հիմա անցել են իրենց հանցագործությունների հաջորդ փուլին՝ ամեն ինչ անում են, որ ուրանան Ցեղասպանությունը, հրաժարվեն հայոց պահանջատիրությունից, Արցախից, ուրանան արցախյան պատերազմների ընթացքում զոհված մեր 10 000 զինվորների արյունը եւ կեղծ խաղաղասիրական խոստումների տակ վերջնականապես բնաջնջեն մեր ժողովրդին: Ով մոռանա ցեղասպանությունը, Արցախը, մեր պահանջատիրությունը, ինքը հայ ժողովրդի թշնամին է եւ վերջ»։
Նա վստահեցրեց՝ Սփյուռքից շատ կոշտ պատասխաններ են լինելու եւ այդ հայտարարությունը ապտակ էր Սփյուռքի 100 տարվա մղած պայքարին, ապտակ էր այն միջազգային հանրությանը, 2 տասնյակից ավելի պետություններին, որոնք ճանաչել են Հայոց ցեղասպանությունը․ «Սփյուռքը խորը հիասթափության մեջ է եւ համապատասխան արձագանքով ու գնահատականով վստահաբար հանդես կգա»։
Կարդացեք նաև
Նելլի ԲԱԲԱՅԱՆ
