Միջազգային հեղինակավոր Freedom House իրավապաշտպան կազմակերպությունը հայտարարություն է տարածել Հայաստանում մամուլի ազատությունը սահմանափակող օրինագծի վերաբերյալ:
«Հայաստանի իշխանությունների պատասխանատվությունն է երկրում պաշտպանել մամուլի և խոսքի ազատությունը,- ասել է Freedom House-ի` Եվրոպայի և Եվրասիայի ծրագրերի տնօրեն Մարկ Բերենդտը:- Ցավալի է, որ Հայաստանի կառավարությունը պաշտպանում է տուգանքները, որոնք կխլացնեն երկրում ազատ խոսքը և սպառնալիքի տակ կդնեն լրատվամիջոցների ֆինանսական կենսունակությունը: Քաղհասարակությունն իրավացիորեն քննադատել է օրինագիծը` պատճառաբանելով, որ դրանով կարող են գանձել չափազանց մեծ տուգանքներ և անկախ կազմակերպությունների նկատմամբ քաղաքական ճնշումների հանգեցնել, երբ վերջիններս քննադատեն քաղաքական գործիչներին և այլ ազդեցիկ քաղաքական դեմքերին: Կոչ ենք անում Հայաստանի իշխանություններին լրջորեն վերաբերվել քաղհասարակության և մեդիա կազմակերպությունների մտահոգություններին և չեղարկել օրինագիծը»:
Պատրաստեց` Վիկտորյա ԱՆԴՐԵԱՍՅԱՆԸ
