ԳՇ պետ Օնիկ Գասպարյանին պաշտոնից ազատելու հրամանագիրը առ ոչինչ ճանաչելու պահանջով հայց էր ներկայացվել, որը դատավորը վերադարձրել է՝ չընդունելով վարույթ՝ գտնելով, որ հայցատեսակը ճիշտ չէ:
Այսօր լրագրողների հետ զրույցում Վարչական դատարանի դատավոր Լիանա Հակոբյանը բացատրեց, թե ինչ է իրականում կատարվել. «Վարչական դատարան ի սկզբանե ներկայացվել է երկու տարբեր հայցադիմում՝ երկու տարբեր պահանջներով: Մի հայցը եղել անվավեր ճանաչելու պահանջով համապատասխան հրամանագիրը, երկրորդը՝ առ ոչինչ ճանաչելու պահանջով: Երկու հայցադիմումները մակագրվել են մեկ դատավորի, երկուսով էլ դատավորը արտահայտել է միեւնույն դիրքորոշումը գտնելով, որ միեւնույն հանցատեսակն էլ սխալ է: Վարչական դատարանի դատավորն ունի մատնանշման պարտականություն ու մատնանշել է ճիշտ հայցատեսակը: Արդյունքում ունենք հետեւյալ պատկերը. երկու հայցադիմումներից մեկի առնչությամբ կողմը համաձայնել է դատավորի մատնանշմանը ըստ դրա շտկել է հայցատեսակը, ներկայացրել է կրկին հայցադիմումը եւ ընդունվել է վարույթ: Այնուհետեւ ներկայացվել է երրորդ հայցը, որը կրկնել է նախորդ հայցը՝ առ ոչինչ ճանաչելու եւ իմ նախագահությամբ արդեն նորից մատնանշվել է նույն հայցատեսակը, ինչ նախորդ դատավորը: Արդյունքում ունենք մեկ գործ վարույթ ընդունված այն հայցատեսակով, ինչ մատնանշել էր դատավորը: Մյուս երկու հայցադիմումների հետ կապված բողոք չի եղել: Մամուլում նշված է, որ Վերաքննիչ բողոք պետք է ներկայացվի»:
Հարցին՝ իշխանությունների կողմից դատավորների վրա ճնշումներ լինո՞ւմ են՝ նա պատասխանեց. «Ոչ, ոչ, ոչ, էլի ոչ: Իմ վրա համենայնդեպս ճնշում չի եղել»:
Կարդացեք նաև
Հռիփսիմե ՋԵԲԵՋՅԱՆ
