Մարտի 26-ին տեղի է ունեցել Արցախի Հանրապետության պաշտպանությանը մասնակցած անձանց մարտական գործողությունների մասնակցի կարգավիճակ տալու հարցերով զբաղվող միջգերատեսչական հանձնաժողովի անդրանիկ նիստը, որը նախագահել է հանձնաժողովի ղեկավար, Արցախի Անվտանգության խորհրդի քարտուղարի տեղակալ Սամվել Շահրամանյանը։
Նիստի ընթացքում ներկայացվել են կարգավիճակի տրման հարցով դիմած անձանց կողմից ներկայացված փաստաթղթերը։ Ծավալվել է կարծիքների փոխանակություն, հանձնաժողովի անդամները հանդես են եկել գործընթացի վերաբերյալ իրենց նկատառումներով։
Հանձնաժողովի նիստին քննարկված փաստաթղթերը կներկայացվեն սահմանված կարգով ընթացքավորման։
Հիշեցնենք, որ միջգերատեսչական հանձնաժողով ներկայացվող փաստաթղթերն ընդունելու և անհրաժեշտության դեպքում խորհրդատվություն մատուցելու նպատակով Անվտանգության խորհրդի գրասենյակում ձևավորված է աշխատանքային խումբ (հասցե՝ ք․ Ստեփանակերտ, Փետրվարի 20-ի փող․ 1, Կառավարության շենքի 1-ին մասնաշենք, 2-րդ հարկ, 204 սենյակ)։
Կարդացեք նաև
Տեղեկատու հեռախոսահամարներ (աշխատանքային ժամերին)՝047-96-44-14, 047-97-44-46։
Արցախի Անվտանգության խորհուրդ
