ArmLur.am-ը երեկ գիշեր հայտնեց, որ ՀՀ ՊՆ գլխավոր շտաբի պետ Օնիկ Գասպարյանի մասով միջանկյալ որոշում կայացրած Վարչական դատարանի դատավոր Մհեր Պետրոսյանը ԲԴԽ է դիմել։
Մհեր Պետրոսյանը, քննելով նույն Օնիկ Գասպարյանի հայցը՝ իրեն պաշտոնանկ անելու վերաբերյալ, օրերս հայցի ապահովման միջոցի մասին որոշում էր կայացրել, որով, ըստ էության, սահմանվում է, որ Օնիկ Գասպարյանին պետք է վերականգնել ԳՇ պետի պաշտոնում և չդադարեցնել նրա լիազորությունները մինչև հայցի, ըստ էության, լուծելը։
Բայց փաստորեն Կառավարությունը և ապօրինի է համարում դատավորի կայացված վճիռը, և չի կատարում այն, և իրավաբանորեն միջնորդություն է ներկայացրել նույն դատավորին՝ պահանջելով հայցի ապահովման միջոցը վերացնելու վերաբերյալ։
Կառավարությունը միաժամանակ դատավոր Մհեր Պետրոսյանին ինքնաբացարկ է հայտնել դատարանում։ Այսինքն՝ փորձ է արվում իրավաբանորեն Օնիկ Գասպարյանի գործով հայցի քննությունը վերցնել դատավոր Մհեր Պետրոսյանի ձեռքից։
Կարդացեք նաև
Իսկ իրավական դաշտից դուրս, փաստորեն, նաև ճնշումներ են գործադրվում դատավորի նկատմամբ, որպեսզի ընդունի ինքնաբացարկի միջնորդությունը և հրաժարվի գործի քննությունից։
Հոդվածն ամբողջությամբ՝ «Ժողովուրդ» օրաթերթի այսօրվա համարում։
