«Սկսենք նրանից`կճանաչի՞, թե`ոչ: Առաջին անգամ չէ, որ տարբեր երկրներում, այդ թվում նաեւ ԱՄՆ-ում, տարբեր մակարդակներում քննարկվում է: Երբ խնդիրը գալիս է համապետական մակարդակում ճանաչելուն`կասեցվում է: Խնդիրը գալիս է թուրք-ամերիկյան հարաբերություններին, իրենց ազգային շահերին…»,- Aravot.am-ի հետ զրույցում ասաց ԱԺ հայ-ամերիկյան բարեկամական խմբի նախկին նախագահ Սամվել Նիկոյանը: Հետաքրքրվել էինք` Ամերիկայի հայկական լոբբիստական շրջանակները վերջին օրերին հաճախ խոսում են այն մասին, որ Ջո Բայդենի վարչակազմը կճանաչի հայոց Ցեղասպանությունը. աշխարհաքաղաքական այս իրավիճակում ինչ հնարավորություն կստեղծի ճանաչումը Հայաստանի համար:
Նկատեցինք`քաղաքական իրողություններ են փոխվել: Սամվել Նիկոյանը հակադարձեց. «Դուք ասացիք, որ իրողություններ են փոխվել, ոչ թե ԱՄՆ-ը պատմական ճշմարտության վերականգնման, համամարդկային արժեքների ուղիով է գնում: Պատկերացրեք, որ քաղաքական ճնշումների տակ, իսկ ես դա քաղաքական ճնշում եմ համարում, Թուրքիան հրաժարվի C 400 ներից: Խնդիրը կարծես դա է, չէ՞»:
Ի դեպ, Սամվել Նիկոյանի կարծիքով, նաեւ տարածաշրջանում ճանապարհների ապաշրջափակումը Հայաստանին ոչինչ չի տալիս. «Ի՞նչ բեռնափոխադրումների ծավալ ունենք, որ չենք կարողանում ամբողջությամբ իրականացնենք Վրաստանով»: Նա վստահ չէ, որ առաջարկվող այլընտրանքային ճանապարհներն ավելի վստահել, ավելի մատչելի կլինեն:
Այլ մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ
